Navy Bar
Este bar ten balances
E tamén está listo
pra se facer á vela
con toda a auga do Mar
pra compor un cock-tail de horizontes
atlas xeográficos de esperantos
están sin tradución
E tatexan as pipas
co ademán políglota das bandeiras
é o mesmo
que xa se improvisou nalgures
desa cita noiturna que temos
co vento ao N.E.
na encrucillada das estrelas apagadas?
O Mariñeiro Descoñecido
sin xeografía nin literatura
A noite dos naufraxos
co seu brazo salvavidas
aferrará connosco unha vela de chuvascos
estaba cheo de despedidas
ibámonos fechando
cada un dentro da súa alta mar
tódalas noites naufraga o bar.
De catro a catro
Manuel Antonio
Fotografía de Roque Soto
Banda sonora:
Save the wales - Country Joe McDonald
Comentarios