Letras Galegas 2016
Castro
Aló, no Hospital, o castro de Ar Maior;
o castro de Canivete ao nacente;
o de Lucenza altivo e ben lucente,
e o castro de Ares morrendo no solpor.
Que raigañas escuras, que semente
foi tristura, soño, medo, gnomo, flor,
chispa, fogueira, volcán abrasador,
fame de amor urxente e permanente?
Catro castros ergueitos. Catro castros
melancólicos, tristes, silandeiros,
impasíbeis e firmes como mastros.
Arredados estais que non senlleiros:
escoitades a música dos astros
e falades co vento e cos luceiros!
Sonetos ao val de Quiroga
Manuel María
Debuxos de Pin e Alejandro Álvarez Álvarez, CEIP Quiroga
Comentarios