En busca da cagalla do lagarto

Can doente

Can homilde i escuro,

can que ladras e lambes

a mau triste do home

crendo que é algo grande

Lámbeme o corazón, fiel can doente,

antigo compañeiro na tristura,

lámbeme o corazón e maila dura

pena de me sentir orfo no abrente.

Lámbeme o peito todo nun repente,

inantes que me troque en cinza escura

sufrindo nas congostras a pavura

de me topar con Dios lonxe da xente.

Lámbeme, meu petís, a carne viva

que aló dentro se torna decotío

nun fatal desacougo que cautiva.

Lámbeme, compañeiro fuxidío...,

xa que oulas (coma min) con voz cativa,

lámbeme todo enteiro, fío a fío.

Nos eidos da bremanza

IV Sopas de burro canso

Fiz Vergara Vilariño