Sós

Estamos aquí sós, no corazón do frío,
tentamos os aromas que a neve nos sepulta,
dos nosos corpos nus despréndense regatos
de sol e bolboretas que se abrasan, nocturnas.,
e ventos que nos levan por un mesmo camiño.
Decimos as palabras que milagrosamente
dun fondo me arrebatan o teu pasado escuro
e mesmo o que hai en min, a penas xa pasado
no que imprimir o musgo tecido nas caricias
doutras noites lonxanas que non ha de voltar
ao corazón do frío, onde non teña casa,
nin leito e me procuro nos teus ollos furtivos.




Visitantes

Xavier Rodríguez Baixeras (Tarragona, 1945)



Pintura de © Barbara Sobczyńska




Comentarios

Publicacións populares