Vaso furtivo
Por todo o breve e fráxil,
superficial, fuxitivo,
polo que non ten bases,
argumentos nin principios;
por todo o que é livián,
veloz, mudable e finito;
polas volutas do fume,
polas rosas dos tirsos,
pola escuma das ondas
e as brétemas do esquecemento...
polo que lles carga pouco
aos pobres peregrinos
desta percorrida terra
grave e lunática, brindo
con palabras transitorias
e con vaporosos viños
de burbullas escintilantes
en cristais quebradizos...
María Eugenia Vaz de Ferreira
Lee Remick no filme Days of wine and roses (1962), de Blake Edwards
Comentarios