LOITO NO HORIZONTE

 

L'amour nous du la même chose que la mort...
R. Garaudy

Ti, chuvia,

costureira enfiando ceo e terra.

Ti, mar,

infinito poema escrito en ondas.

Ti, río

mudando a cada punto e sempre río,

triste imaxe de min, roda de morte.

Ti, néboa,

saía de medio loito no horizonte.

Ti, pranto, auga-bágoa, sempre bágoa...

Ti, auga,

río e chuvia, mar, néboa, bágoa e pranto,

coa miña terra seca amasas o meu barro.

O sange na paisaxe

Helena Villar-Xesús Rábade