ESTONDOS SIN APOUSO

Cítolas, arpas e garúas

Quixera tocar cítolas e arpas.

Seculares zanfonas medievaes.

Resucitalas do impracable sono

dos vans onde adormentan esquecidas.

Concertar os violíns coas gaitas célticas

do fol celme nas lúdicas relúas,

coas músicas dos ríos e das fontes

nas vagantías airas dos ouriolos.

Acadar os estondos sin apouso

cando lle brada a entrana as altamares

nas espeluncas, seivas oceánicas,

ou nas cristas branquísimas da escuma.

Abranguer o brueiro das maraxes.

O alporizo das ondas dos peiraos

co zoar monocorde das garúas.

Orballa en tempo lento
Pura Vázquez

Imaxes: Roque Soto e Cuadros Guapos