A Terra

A patria é a Terra. A Terra que nos dou o ser e que nos recollerá na morte como semente de novas criaturas. A Terra que cría frores nos campos onde atopamos sombra fresca no vran e quentura garimosa no inverno; onde sofrimos a inquedanza das sementeiras e gozamos a ledicia das colleitas; onde o vendaval brúa nas ponlas dos carballos e funda nas cordas dos barcos; onde canta o vento nos piñeirais; onde esboufan as ondas do mar nos cons da ribeira e runxen os areaes; onde por primeira vez ollamos a choiva, a brétema, o sol, o luar, o arco da vella e a noite estrelecida.



Sempre en Galiza
Alfonso R. Castelao (1886-1950)


Fotografía de Roque Soto

Comentarios

Publicacións populares