SEDIMENTARIAS PENAS

Mineral habitábel

A Isidro Parga Pondal

Eu sei dun noble bloque de granito e de xisto
antergo como un fósil perdido nas idades.

A casa de pedra na que habito e que me habita
mantívose perenne desde o pasado ígneo:
as rochas metamórficas formadas en milenios
abundan nesta terra lonxana nas orixes.
Sedimentarias penas grandes libros de pedra
nos que non pode lerse a historia do pasado
agardan por Galicia nun silencio de séculos.

Non hai sobre o planeta un máis antigo e pétreo mineral habitábel.

A boca violeta
Claudio Rodríguez Fer

Fotografía de Sam Rock