Lugo
Na fonte de ferro,
no coiro dos bois
no espello do vento,
da navalla e da frol.
No recén da herba,
no lobo e no can,
nos ollos da meiga,
na pedra do lar.
No refaixo dela,
na ponte do alén,
no andar des ovellas,
no ar do mencer.
No cabalo quente,
no viño millor
no que non se perde .
no meu corazón.
Na noite senlleira,
no liño tecido,
na madeira tenra
dos vellos castiros.
Na vida, na morte, no amor e no ren,
loubareite,
Lugo de aceiro e de mel.
Lonxe
Lorenzo Varela
Fotografías de Roque Soto
Comentarios