Solpor da paisaxe
E o seu ensaio Abrente e Solpor da Paisaxe, escrito en homenaxe a Otero Pedrayo, é, de certo, un dos estudios máis agudos, profundos e claros que se teñen feito sobre o descobremento da paisaxe polo home, quer dicir, sobre a incorporación da paisaxe á cultura, feito directamente ligado ó descobremento da subxetividade. A paisaxe non é pura e simple natureza obxectiva, senón a natureza animada polo sentir interior do suxeto que a percibe. Todo o proceso histórico desa relación home-natureza, desde a mera percepción sensorial do mundo clásico ata a vivencia anímica do home romántico, aparece fina e lúcidamente analizada con admirable claridade expositiva.
Ramón Piñeiro sobre Celestino Fernández de la Vega
Fotografías de ©Roque Soto
Comentarios