Letras Galegas 2016
Os afogados
Que fondura vos chama? Que estranos
piagos vos acenan? Que mouros pozos
vos berran con voz imperativa...?
Ides dereitamente ós abisíos
nos que, cecais, non entra a luz:
que cidades salugadas descubristedes?
Que maxicas campanas escoitades?
Na vosa precura, perdéstevos tal vez
nas tribos dos xacios e as nercidas?
Que estrano mensaxe vos levou
ós fondos subacuáticos e ó reino
dos lixeiros peixes nadadores?
Quixéstedes habitar na claridade
da auga inconsistente e fuxidía:
unhos quedastes para sempre
nas fonduras do río misteriosas
e outros aboiades pola tona da auga
pechados nun silencio absoluto,
sen decirlle a ninguén ese segredo
que, ó mellor, sorprendestes
nun mundo para nós desconocido.
Canción de amor ó río Miño
Manuel María
Fotografía de © Agnieszka Lorek
Modelo: Oliwia Styczyńska
Comentarios