Segredo
Deixa que o vento me conte,
meñiña.
Estreleceron as noites
acarón dos teus cabelos.
Deseiváronse miséreas
no agarimo do teu verbo.
Consagráronse pecados
nas ánforas do teu peito.
Esfolláronse lembranzas
na roseira dos teus dedos.
Deixa que o vento me conte,
meñiña.
Deixa que me conte o vento.
Fírgoas
Manuel Luis Acuña
Fotografías de Gladys Cooper
Comentarios