Edá
Agora, nena que fuiste cuantayá,
adolescente de mañanes blanques y otra vez,
nena na ciudá,
trémente les manes del aire,
el tiempu por venir
y abúlate la vida otra vuelta
cadena erma de pareyes y relós,
suañu metálicu y de coche
cruzando rápidu la cai y la to casa.
Agora, que yá nun yes a cuntar
colos deos la edá de la memoria,
dices namái tardes de plata,
esti escozor d'home estremecíu
y la historia qu' has d' interpretar.
A la to edá,
abriesti yá les puertes al dolor;
el tiempu, igual que los recuerdos,
foi prediendo en ti,
y lo mesmo que los cuentos, foi la risa
arena de los llares espardío pela tierra.
Edá de la memoria
Esther Prieto (Arenas de Cabrales, 1960)
Neñes en Xixón. Fotomontaxe de © Sam Rock
Comentarios