SOL POR ENTRE AS GALLAS

Corda bamba

Lygia Bojunga Nunes (1932) é sen dúbida a mellor escritora brasileira de literatura infantil e xuvenil, recoñecida con diferentes premios, entre eles os máis prestixiosos a nivel internacional como o Hans  Christian Andersen e o Astrid Lindgren Memorial Award –este por o conxunto da súa obra-.

 Os seus libros foron altamente recomendados en Europa, e un que é curioso púxose enseguida ao día da obra desta autora en lingua portuguesa grazas á revista aquí comentada Fadamorgana, número 12, da imprescindible publicación galega sobre literatura infantil e xuvenil.

O primeiro libro lido por min de autoría da escritora brasileira é o quinto da súa colleita, en concreto  Corda  bamba (1979). O relato céntrase na difícil adaptación dunha nena, María, que perdeu aos seus pais nun accidente no circo onde traballaban. Co apoio da muller barbuda e o tragafogos, a protagonista mostra o camiño dunha pequena que sufriu unha importante perda e atópase ameazada na súa liberdade por unha sociedade  encumbrada e afeita ao todo cómprase, todo véndese.

O título do libro serve para lembrar que aínda camiñando pola corda frouxa pódese chegar a ser unha persoa digna como a que máis. O libro ten unha adaptación televisiva en Suecia, estreas teatrais en varios países europeos e unha pelicula estreada en 2012 e dirixida por Eduardo Goldenstein.

Un bo comezo no primeiro achegamento á obra literaria de  Lygia  Bojunga  Nunes, mediante a lectura de Corda bamba, un libro rescatado das baldas dunha tenda de segunda man xa desaparecida.

Outras obras de Lygia Bojunga 

Os Colegas - 1972

Angélica - 1975

A Bolsa Amarela - 1976

A Casa da Madrinha - 1978

O Sofá Estampado - 1980

Tchau - 1984

O Meu Amigo Pintor - 1987

Nós Três - 1987

Livro, um Encontro - 1988

Fazendo Ana Paz - 1991

Paisagem - 1992

Seis Vezes Lucas - 1995

O Abraço - 1995

Feito à Mão - 1996

A Cama - 1999

O Rio e Eu - 1999

Retratos de Carolina - 2002

Aula de Inglês - 2006

Sapato de Salto - 2006

Dos Vinte 1 - 2007 (escolla dos libros anteriores)
Querida - 2009

http://www.casalygiabojunga.com.br