Capas
© http://onelp.com
Guy Webster
(1939 -2019)
O fotógrafo estadounidense Guy Webster desenvolveu un importante labor na creación de portadas de discos desde comezos da década de 1960 ata a actualidade. Nese sentido hai que ter en conta, entre outros, os traballos realizados para as portadas de elepés relevantes de The Mamas and Papas, The Beach Boys, The Byrds, The Doors, The Rolling Stones, The Hollies, Procol Harum, Simon & Garfunkel, Sergio Mendes & Brasil 66, Tim Buckley ou Nico.
Falecido aos 79 anos de idade, Guy era fillo de Paul Francis Webster, recoñecido compositor e letrista que obtivo varios premios Óscar á Mellor Canción Orixinal por Secret Love, Love Is a Many Splendored Thing e The Shadow of Your Smile. O seu fillo aspiraba a orientar a fotografía cara á arte, pero no camiño cruzouse o músico e produtor Terry Melcher, quen lle propuxo facer a portada do disco Three Window Coupe, do grupo The Rip Chords. A pesar de atoparse na escola, Webster decidiu gañar algo de diñeiro coa creación de portadas de LP's.
A actividade fotográfica de Webster abarcou diferentes terreos nos que aparecen cine, literatura, música clásica, literatura e política como Dean Martin, Barbra Streisand, Natalie Wood, Bob Hope, Bob Newhart, Burt Reynolds, Dennis Hopper, Edward G. Robinson, Elizabeth Montgomery Jack Nicholson, Jane Fonda, John Belushi, Larry Hagman, Leonard Nimoy, Marlo Thomas, Priscilla Presley, Raquel Welch, Rock Hudson, Truman Capote William Shatner, Igor Stravinski, Zubin Mehta, Ronald Reagan e Bill Clinton.
Comentarios