Ninguén pode saber
Ninguén pode saber
onde vai a muller que ten os ollos
o mesmo ca Paixón segundo San Mateo
de Bach
Ninguén o saberá
Ela leva unha esmola nos beizos
unha pregunta aberta vestixio de morte
acaso un río magoado e longo
cando espesou a noite sobor da cidade
Ninguén ha saber
de onde chega a muller que leva nas mans
o límite do que lle deu a vida
cando o tempo se pecha como un libro
Concerto de outono
Luz Pozo Garza
Fotografía ® Kurt Hutton
Comentarios