VELLA OLIVEIRA

Por dentro vas calada e consumida

por unha forza cega e poderosa

E por fóra eres áspera e rugosa,

oliveira retorta como a vide.

Se a tua intimidade é solprendida

agroma mainamente pudorosa:

faise pequena folla rumorosa

e dice unha canción leve contida.

Vella oliveira do Val nube e remol,

pila de cinza dun verde prata e gris:

tí estás feita de pedra, terra e sol.

Iñoras o tulipán e a fror de lis:

pro si que coñeces e amas o ouriol

e amistache co melro e co malvís.

Sonetos ao Val de Quiroga

Manuel María

Fotografías ® Roque Soto Soto