EN MONTEFURADO METEUSE NO MONTE
As penas garda civís,
ao río Sil lévano preso.
Seica din, que aló no monte,
zugoulle o sangue aos regueiros;
esforciou doncelas fontes;
e arroubou o ouro das serras
para gastalo no mar
no cabaret das sereas.
Deron parte del os lobos
cando ía fuxir a Cuba,
e inda que, en Montefurado
meteuse no monte, a lúa
descobríuno e déronlle o alto.
Do muíño nunha touta,
a gaiola dos regatos.
terá, por vida, cadea
e máis traballos forzados.
Florencio Delgado Gurriarán
Comentarios