CONTEMPLANDO. MIRANDO. PENSANDO...

VII

Viaxei polos montes. Percorrín montañas,

estradas, vieiros, vilas con campás.

Contei polas noites estrelas no ceo.

Admirei a lúa na súa ancha cara.

Eran ceo e terra o que contemplaba.

O verde aquí embaixo. Enriba unha orxía 

de noite estrelada. O Carro e as Osas.

A Polar fulxindo no cenit azuado.

Extensión sen medida, nos anchos

das noites escuras ca lua alumando.

Gostábame estarme quediña un anaco

na ventá debruzada.

Contemplando. Mirando. Pensando...

Soñando! Natureza e alma

falando entretidos diálogos.

Ata sentirme exhausta.

Cansadas as anseas.

Pasatempo ferido de versos (1999)

Dora Vázquez

Fotografía feita en 1956 no lugar de Mirón en Larín (Arteixo-A Coruña). Arquivo de D. Vázquez