ANDA A AUGA A CANTARME

Amiga

—Ai, meu amigo,

              anda o vento rifando conmigo.

—Ai, miña amada,

                               non é o vento, que eu son o quen che fala.

—Ai, meu amor,

                  anda a auga a cantarme arredor.

    —Ai, miña amante,

                      como coidas que a auga che cante?

  —Ai, meu amado 

                  anda o sol a deitarme no prado.

   —Ai, miña amiga,

                          il non é, que son eu quen che obriga

Poemas de ti e de min

Xosé María Álvarez Blázquez

Pintura de Arthur Hughes