DUN TEMPO SEN FIN

Semanasanta e morte de Antonio, "O Gay"

o silencio das campás castigará as súas mans pra sempre irmán

lois armstrong tocará pra  ti a súa noite de metal

e charlot

harold

o vello laurel

rirán pra ti a risa dos nenos.

sei que estarán todos alí e amarante

-os tolos máis tolos que agardan por nós-

soio pra nós a doce borracheira

dun tempo sen fin adornado de mulleres.

soio pra ti

irmán-amigo que vineches da nada e nunca pasarás da nada

irmán-avó que levaches o amor gardado na mochila/

irmán-vello loitador de moitedumes que choraches por min

eu chorei por ti irmán e iso farame ceibe.

Taboada, 24-3-80

Xosé Dono