O SEU VERMELLO SANGRANTE

Canción das Médulas

As Médulas son un mundo

insólito e alucinante

cos seus castiñeiros vellos 

e o seu vermello sangrante.

As Médulas son Gallaecia,

o propio ser ancestral,

terra galega onde vive

a nosa patria inmortal.

Nas Médulas ou Medulio

os galegos doutra idade

elixieron entre a morte

ou perder a liberdade!

As Médulas, montes de ouro,

que saqueou o romano,

gardan un fondo misterio

e un segredo sobrehumano!

Na soidade das Médulas

aboia un estraño medo:

óllase vir de Orcellán

ao Lago de Carucedo...!

Cancioneiriño de Valdeorras

M. Outeiro Hortas (Manuel María)

Fotografías © National Geographic