FARSANTES CON CARETA

Os fillos da cizaña

O ácrata, burgués de via estreita.
sementou istes eidos de cizañas,
prantou sebes de insidias e patrañas
i agora nós cargamos coa colleita:
Gandules ezquerdistas de dereita,
farsantes con careta de esilados,
lobis-homes de ovellas disfrazados,
carcundas, maricós de especies mil,
pasan con triste andar garda civil
todos xuntos, revoltosos, misturados...

En impúdico pauto amalgamados,
o pícaro, o bribón, o proxeneta,
o sórdido trúan que os alcahueta,
o matador i os fillos dos matados.
Todos tolleitos, todos emporcados
na mesma zarrumalla i amasixo,
todos coa mesma faciana de carapixo
falando o castelán do cagatinta,
velos ehí van coa sua innobre pinta,
fillos da nai que os deu i o pai que os fixo.

Celso Emilio Ferreiro

Fotografías de © Quique García/Efe e  © Sergio Beleña