RESTOS DESENTERRADOS

Xustificación

As computadoras arqueolóxicas

do ano dous mil quinientos 

alcontrarán eiquí, 

niste meu cimenterio privado, 

un gran depósito de esqueletes.

O Carbono-14 dirá que son da nosa época

i o seleutor eletrónico clasificará os restos:

Homes de lápiz na orella, 

homes cazadores de homes, 

homes corruptores da cencia, 

homes torturadores de homes, 

homes derrubadores de concencias, 

homes furtadores do traballo dos homes, homes vendedores das patrias dos homes, homes de ben, 

bos e xenerosos (soio unhos poucos).

Serán desenterrados outros restos 

que non poderán ser identificados 

por acharse en estado gaseoso.

Suporáse que foron víctimas do napalm 

nunha guerra que houbo séculos denantes 

nun país que xa non estará no mapa.

Cimenterio privado
Celso Emilio Ferreiro

Imaxes do museo submarino fronte a costa de Lanzarote, creado polo escultor Jason Taylor.