OLLOS EN SUCESIÓN

A cidade

Asentamento dos pasos arredor da mente
instante de dispersión encistada
múltiplo eu
vento de orgullo ateigado de olvido
torceduras do espazo
superficie aliñavada
límite exterior das obsesións
axirrido arreitado
fertilidade estiñada
ollos en sucesión
portas que se pechan
escadas enguedelladas
fuxida final
achegamento dos abismos
mar detido contra os cons do corazón
eu en nós
sen nós
eu

En concreto (2004)

Luísa Villalta
Acuarelas de paisaxes da Coruña, de Francis Martin Marrouch