ERRANTES

 

Somos os vagabundos, os fracasados,​​ 
os inadaptados, os inesperados, os parias.

Levamos os farrapos dos desenganados​​ 
e fedemos a lixo.

É ese o prezo da liberdade?
a nosa liberdade​​ 
pagámola sen relear
a arte é o noso único paraíso.

Que poden os vosos infernos contra as nosas alegrías?

A sorriso-trofeo dunha lectora, dun lector
debates​​ a​​ páxinas arrincadas dos apaixonados
viños de contradicións con ideas rotas​​ 
cafés-areas onde​​ se cruza o despropósito​​ 

brindamos polos inútiles necesarios​​ 
aqueles que non salvan a ninguén​​ 
pero reparan a todo o mundo​​ 
aqueles que non saben nin deter a guerra
nin morrer en lugar dos inocentes​​ 
pero teñen os seus refachos de esperanza.

Somos os errantes que perden o rumbo
cando o caos mestura a confusión
porque aínda sabemos amar…

Pathé Dieye

Imaxe sobre fotografía de Balou Salo