Rory GallagherA dama tatuada levóute cedo
ao walhalla bárbaro onde tronan guitarras
bordando o máis fero blues before sunrise
mentres deusas negras mostran os seus encantos
e escancían hidromel para os perdedores
así na terra como en irlanda
ningún santoral do rock feito negocio
recollerá a efeméride efémera do teu pasamento
como un mesmo a necrolóxica con retraso
o sabor da túa fender esportillada nos bafles
a million miles away viaxando coa mente
lembrando a mornura das horas fuxidas
os amores ausentes e os soños gastados
against the grain
l
l
cedo de máis
eat my words
chorarás se non cantas.
l
l
Xeografías do sal
Ramón Caride Ogando
l
l
En recordo de Rory Gallagher (1948-1995)
Comentarios