AS CÓCHEGAS BRANDAS, AS LOITAS ALEGRES...
Si a vernos, Marica,
nantronte viñeras
á festa do Seixo
na beira do mar,
ti riras, Marica,
cal nunca te riches
debaixo dos pinos
do verde pinar.
debaixo dos pinos
do verde pinar.
As cóchegas brandas,
as loitas alegres,
os berros, os brincos,
os contos sin fel,
todiños peneques,
alegres todiños....
I a nosa señora
detrás do tonel.
I a nosa señora
detrás do tonel.
Mais ela decote
tan grave e soberba,
tan fina de oído,
tan curta de mans,
xordiña quedara,
falando por sete,
con probes e ricos,
con porcos e cans.
con probes e ricos,
con porcos e cans.
I a dona sorría
con ollo entraberto,
comendo castañas
e viño con mel...
¡Que festa, Marica!...
Todiños peneques...
I a nosa señora
detrás do tonel.
I a nosa señora
detrás do tonel.
Cantares Gallegos Rosalía de Castro
Gravado de Bernardo Rico Ortega e Pintura de Joaquín Sorolla
Comentarios