Amiga lene de horas soias
Letras Galegas 2010
Amiga lene de horas soias de chuvias e bosque!
Gracia antiga,
nas túas maos gárdanse os ritos esquecidos.
Delas ós teus ollos
a miña ollada ergue o prego xordo de quen quere ter senso.
Mais, ainda no pulo do amor,
eu sei só podemos aspirar a un tempo d'intres.
Non lle neguemos nada a esta hora nosa.
Logo volverán os días nos que todo se vira.
Sí, amiga,
non temos nada que non se perda doadamente.
Elexías do Courel
Uxío Novoneyra
Fotografía de Sam Rock
Comentarios