Canzón do temporal
Os berros dos mazaricos
rachan as sedas do mar
no carro das mouras nubens
ven do sur o temporal.
Nas barras e nos peiraos
rompen as foulas cristadas
de lóstregos azuados
das estrelas afogadas.
Púxose o ceo de loito
polos que van afogar.
As centellas como trallas
baten no lombo do mar.
Proel
Luis Amado Carballo
Ría de Vigo. Fotografía de Roque Soto
Comentarios