SOL POR ENTRE AS GALLAS

Compás de versos

Érguete:

Que ninguén che poña de xeonllos.

Tes a túa dignidade,

non es menos que ninguén;

todos somos iguais

ante a mesma vida.

Érguete:

Que non che fagan crer

que non es nada,

Levanta a fronte,

verás que o sol brilla

na mañá.

Érguete:

Non permitas que che berren,

que te enganen,

nin che pechen a porta;

fóra hai outra vida

estate alerta.

Agárrate ás mans que te tenden,

achégate aos que te miman.

Es máis valiosa que a túa fame.

Busca a saída.

Érguete
Milagros Morales García

Fotografía de Roque Soto



http://poetaenparo.blogspot.com/