Jazz-Lilith
Cos meus ollos escoito, cos meus ollos
de menta e de cristal desmesurado.
Cos meus ollos de piano no ocaso,
cos meus ollos de tigre e de cerdeira.
Cos meus ollos escoito os acordes,
os esgazados sons da tarde,
os sons do amor e do salouco,
as coxas que se achegan polo ceo.
Cos meus ollos escoito tantas selvas,
tantas selvas de furia e de carbúnculos.
Cos meus ollos de piano, cos meus ollos
de cacharela abandonada no deserto.
Os acordes rompen no canto,
os acordes québranse nas árbores,
as coxas achéganse polo ceo,
as coxas de magnolia e de cinza.
Cos meus ollos escoito as dúas coxas,
cos meus ollos de menta e de asasino,
cos meus ollos de músico extraviado.
Juan Eduardo Cirlot
Fotografía de Roque Soto
Banda sonora:
Michel Petrucciani Trio
Comentarios