Centenario de Celso Emilio Ferreiro


A nena afogada
 
Un bruar de cidade sulagada
metéuselle nos ollos
e baixou pola ialba
coma un lonxano fume de gueivotas
do derradeiro rumbo das chalanas.
 A nena está durmindo
un sono longuísimo.

Berros na luz. Campanas nas escumas,
labres de sal e vento. Na boca
unha branda dozura.
As outas nubes
tornasolan alá lonxe as dunas.
A nena está durmindo
un sono longuísimo.
Púxose azul o mar. O vento verde
levaba nas súas maus escuras meles
de boscos e pinares
e de seves.

A nena está durmindo
un sono longuísimo.
Fíxose o ceo mar e na distancia
naceu a noite
coma unha frol doente e vaga.
A nena está durmindo
un sono longuísimo
sobre a paisaxe verde.
Que ninguén a desperte.

Viaxe ao país dos ananos
Celso Emilio Ferreiro

Fotografía de Roque Soto


 Banda sonora:


Save The Children - Marvin Gaye

Comentarios

Publicacións populares