A fonte
A fonte, fontiña,
a fontiña, fonte,
leva hervas do día
nas somas da noite.
Albea o sol-neno
nas ondas, que dormen,
e pra espreguizalas
fai ergue-lo norde.
¡Fonte, fontiña,
bule e camiña!
Na fonte, fontiña,
na fontiña, fonte,
seu pano vermello
leva o bilicroque;
fan as margaridas
escumes e corren
ó lombo das pingas
as risas da sorte.
¡Fonte, fontiña,
bule e camiña!
A fonte, fontiña,
inda naceu onte;
nos panos do ceo
os seos esconde
é, ó vela tan nova,
a meiga do bosque
morre de carraxe
e de envexa morre
¡Fonte, fontiña,
bule e camiña!
Antre dous séculos
Xerardo Álvarez Limeses (1871-1940)
Fotografía de Roque Soto
Banda sonora
Comentarios