Non voltarei
Sobín ao monte nativo
e ollei o mundo aos meus pes.
Vales a tremer no fondo,
mares en busca do alén,
ríos de sangue vermellos
feridos polos roibéns,
procisións de negras sombras
polas estradas do ceu,
naves pantasmas que lañan
as ondas co seu ronsel;
cotovías que nos cantan,
corazóns a esmorecer,
roseiras que se desfollan,
follas caídas a treu.
Sobín ao monte nativo
e ollei o mundo aos meus pés.
Non voltarei, monte amigo,
a sobir, non voltarei.
Centileos nas ondas
Gonzalo López Abente
Fotografía de Roque Soto
Banda sonora
Comentarios