Valestrieri
para Astrid Donadini
Son os veos nupciais da oliveira, dixeches,
ao ver as brancas redes estendidas
aos pés das ramas. Estoutras, non obstante,
colgadas no aire para acoller o froito
na súa caída, son as hamacas na viaxe
do outono ao inverno, mecidas pola brisa
que segue á tormenta e o frío temperán
que espalla a neboeira e trae o sol
aos hortos. A terra que han de cubrir as redes
está limpa de restrollo (non hai dilapidación
nin desperdicio) e todo se acha listo
para que as olivas, aínda pálidas, maduren.
Mais un eco de salvas no aire aterecido
emerxe entre invisibles cazadores
que esixen a súa consumación privada
cun baile de balas e dianas malgastadas.
Jubilation
Charles Tomlinson
Fotografías de Roque Soto
Banda sonora
Comentarios