SOL POR ENTRE AS GALLAS

Invitación á viaxe

Esplendoroso

sol entre piñeiros.

Invitación. Chamada.

Eternidade do momento.

Articulada luz

como unha lanza.

Solpor do mundo.

Cinsa e luz.

A fin, o comenzo.

Outros lugares me reclaman.

O bris da tarde

nun rumor xordo

agarima -nos a face

Despedimo-nos

Agarda-nos a viaxe

Outras serán as mans,

outro o vento que meza

dondamente os teus cabelos

e te anaine

Eu ficarei coa néboa

Onde non me exoite naide.

Aciñeiras

Luz cansada

pálida

Por que nunca chegara

a este lugar de asombro?

Cruzan paxaros

Vai-se o dia

e ninguén se decata

Espácio desolado

Algo pasa, Melancolía lene

como aza.

Poema publicado na revista Dorna, nº 8. Maio de 1985

Xulio López Valcárcel

Fotografía de Roque Soto

Banda sonora