O regreso do mar
Era Setembro, os baños consumidos,
o tempo de acordar o vendaval
("na tua voz hai sal"),
de mudarnos o sono e os sentidos;
desceras, empurrado por xemidos,
a escada verdeal,
a encosta onde esbullava o temporal
("na tua voz...") os dias abatidos.
E do peirao, que fóra solitario,
viña un balbordo novo, e cintileo
do corazón das barcas, atracadas
lonxe de vós. O mar, como un sudário,
cobrira o mar. E logo un pranto alleo:
mulleres algueirando entre raxadas.
Lembranza do areal
Xavier R. Baixeras
Pinturas de Paul Roberts: Taking the beach e Tramping
Comentarios