Vilas Literarias: Quiroga
Subida ó Pía Paxaro
Chegábamos á luz collidos polo van
en procura de nós
En procura dos cumios para aprexiar a terra
na ascesis da ascensión
Para abrazar a vida
a Galicia en silencio
Para beber amor nun grolo de luz viva en presente purísimo
Esquecidos anceios e arelanza
As aves dominaban os espacios gloriosos onde fuxen as sombras
Aspiramos un hálito de xestas e laxes
un recendo de espiños
o sobresalto dos insectos
o frío delgadísimo da saudade absoluta
que fite e cega silenciosamente
Recolle todo na túa alma -dicías-
Este é o meu agasallo
Xúntanse as mans nun prego
e os labios fuxidíos respiran o misterio da luz
A súa potestade sobrehumana
Prometeo a flor de loto (1992)
Lux Pozo Garza
Fotografías de © Emilio Blanco "Milucho"
Comentarios