Animal de compañía
Só lle digo a miña canción
a quen comigo vai.
Os meus cans
fan de min
animal de compañía.
É deles o meu sosego,
son deles os meus pasos,
os horizontes do meu ollar.
Os meus cans
fan de min
animal de compañía.
Canda eles, vou.
Canda eles, son.
Un só corazón a alentar.
Os meus cans
fan de min
animal de compañía.
Canda eles, vou.
Canda eles, son.
Só eles saben da miña canción.
X.P. Mondelo
Agosto 2013
Fotografías: fototelegraph.ru
Comentarios