Longas como unha viaxe en vagón de terceira, as pampónigas máis que meterme medo, producíronme curiosidade. No meu caso, fai moitos anos, quitáronlle protagonismo ao felo, ese personaxe entre demo e pegachón, coa súa vasoira de toxos para defenderse e defender as moedas que lle tiran.
Por enriba da estatura dun home e medio, a parella resultoume simpática, talvez polos seus movementos sincopados, sen brazos ameazantes e cara de circunstancias. Quizais eses mesmos motivos causaron curiosidade a quen captou esta imaxe de romaría da Ermida, nome de orixe greco-latino, ερeημς, ermo.
Fotografía de Mariña
Comentarios