Adolescenza
Eu andaba a andar
sin norde nin timón.
Traguía os petos engurrados e valeiros,
e a roupa aconchegada ó corpo.
Todos os vidros refrectían seos núos de muller.
Engarabitaba as maus pra engarranchar vans de noiva,
pro os meus beizos escorregaban no ar.
Eu andaba a andar.
Esgarrafado e comesto do sarabullazo.
Xa as somas comenzaban a pintar na miña face.
Eu, un parviño,
daquela non deprendera a chorar.
Poñía os paxaros de chapeos,
e abanábame coas néboas temperás.
Eu andaba a andar.
Fírgoas
Manuel Luis Acuña
Pintura: Raccogliere ortiche, de Carlo Bertocci
Comentarios