En busca da cagalla do lagarto

marzo 30, 2017

Capas

Quah (Grunt). Disco do trinque en solitario do guitarrista Jorma Kaukonen (1940, Washington DC), quen por aquel ano 1974 xa estaba fóra de Jefferson Airplane, pero activo en Hot Tuna xunto ao seu colega o baixista Jack Casady. Este primeiro LP de presentación, eminentemente acústico aínda que o repertorio inclúe cortes con orquestación, nútrese de sons tradicionais, folk e blues, así como algunhas composicións de Tom Hobson (1938 - 1991) -a ter en conta o seu delicioso e sentido Blue Prelude-, guitarrista e cantante que acompaña a Kaukonen nesta aventura como solista. O guitarrista de orixe nórdico europeo xa demostrou desde os seus comezos artísticos interese pola utilización de instrumentos acústicos. O segundo disco de Jefferson Airplane, o mítico Surrealistic Pillow, contén Embryonic Journey, un instrumental que figura entre os clásicos do rock. Con anterioridade a comezos dos sesenta moveuse pola baía de San Francisco como guitarrista acústico, mesmo chegou a acompañar a unha noviña Janis Joplin, daquela moi influenciada polo blues clásico.

A portada do disco corresponde á entón esposa de Jorma, a artista sueca Lena Margareta Pettersson (1943 - 1997), quen, por certo, caloborou nas gravacións de 1964 en San Francisco de Jorma e Janis Joplin recuperadas como Typewriter tapes. A primeira canción que escoitei de Quah foi Genesis (fermosa canción de amor), unha das miñas preferidas de todos os estilos, e que aparecía no compilatorio Flight Log (1966-1976). Co paso do tempo, tras moito tempo de procura, puiden conseguir en formato vinilo o primeiro longa duración de Kaukonen, que logo en formato compacto recolleu catro cancións extra: Lord Have Mercy, No Mail Today, Midnight in Milpitas e Barrier.

Cancións: Genesis, I' ll be all right, Song for the North Star, I' ll Let You Know Before I Leave, Flyng Clouds, Another Man Done Gone, I Am the Light of the world, Police Dog Blues, Blue Prelude, Sweet Hawaiian Sunshine y Hamar Promenade.

Músicos: Jorma Kaukonen (guitarra e voz) y Tom Hobson (guitarra e voz).

Outras capas: Jorma (1979), Barbecue King (1980), To Hot To Handle (1985), Magic, live (1985), Too Hot to Handle (1985), Too Many Years (1998), Blue Country Heart (2002), Stars In My Crown (2007), River Of Time (2009), Ain´t No Hurry (2015)