Canción de Montefurado
Montefurado é un monte
furado pola cobiza
da vella Roma imperial
que saqueou a Galiza
Montefurado é un monte,
un penedo rexo e mouro,
e garda a viva lembranza
dos buscadores de ouro!
Montefurado é un monte
que obrigou ao vello Sil
a dar un berro de dor
e a camiñar máis baril.
Montefurado é un monte
furado polos romanos:
os seus furados son ollos
que semellan case humanos!
Cancioneiriño de Valdeorras
M. Outeiro Hortas (Manuel María)
Comentarios