Butterfly (Palophone). O quinteto inglés The Hollies presentaba en 1967 o elepé da bolboreta, un disco moi de acordo coa moda da psicodelia que influíu a tantos grupos e solistas británicos, norteamericanos e doutros países. Con 12 cancións do trío compositor: Clarke, Hicks e Nash, o grupo mantense entre os máis destacados do pop a nivel mundial, pero cunha maior introspección no relativo á instrumentación. A época obrigaba a entrada de sitares, frautas e teclados, entre outros artefactos sonoros, pero as insuperables voces de The Hollies non quedaban sepultadas polas barreiras de son que ás veces a psicodelia producía para ben ou para mal. Diso hai constancia en pezas como Dear Eloise, Pegasus, Would You Believe, Postcard, o sinal os rapazes da praia en Step Inside y Butterfly. Un novo éxito e un disco representativo dos ventos de cambio que sopraban no eido musical do rock. A continuación, Graham Nash marcharía para instalarse en California, pero esa era outra historia, mentres que o conxunto británico manteríase coas inevitables idas e vindas dos seus compoñentes e con algún que outro disco interesante ata ben entrada a década de 1970.
Comentarios