O neno murcho
En tódolos pobos hai un neno murcho.
Sen niños nin merlos nin bicos.
Un neno que coñece os currunchos tristeiros,
cidades sulagadas, peixes mortos
i-o laiar da noite, coma un anxo negro.
Polo vento morno bulen os paxaros
iás pedras reloucan en baixo das herbas.
Os peixes máis craros esbaran.
Hai festa nos prados.
Mais en todas partes hai un neno murcho.
As arbres son gaitas.
Mais en todas partes hai un neno murcho.
As rapazas fían.
Mais en todas partes hai un neno murcho.
Roca bullangueira.
En tódolos pobos hai un neno murcho.
O paxaro na boca
Luz Pozo Garza
Comentarios