Fonte cristalina
Lévame a aquela fonte cristalina
onde xuntos bebemos
as purisimas augas que apagaban
sede de amor e chama de desexos.
Lévame pola man cal outros dias...
Mais non, que teño medo
de ver no cristal líquido
a sombra daquel negro
desengano sen cura nin consolo
que antre os dous puxo o tempo.
Follas Novas
Rosalía de Castro
Fotografías de © Roque Soto Soto
Comentarios