Baixo a lúa vella

Baixo a lúa vella de xanela redonda e clara
debruzada nun alféizar de vertixe
el vén
coa súa xavelina.
extenuado
da súa proba iniciática.

Abaixado
é un león vencido
porque non hai selva na que baterse,
deserto
de infelicidade.

Ela agarda no lintel 
arroupada nun mandil de lúa
nun arrabalde a desmán do mundo
onde regresan os pobres á media noite

e golpean con desespero
o que aman.

A elegancia do século
Pura Tejelo

Fotografías de © Mecuro B. Cotto

Comentarios

Publicacións populares