O bosque
Aquí o tendes; ollade respetuosos,
entrade caladiños no recinto,
e ouviredes o son craro e distinto
da cántiga dos gallos armoñosos.
O Bosque! Sacerdotes misteriosos
do culto univrsal xamáis estinto
son os albres; colunas sobre o plinto
do terreo dos fachos bretemosos.
Dentrto, marmulos de oracións; enriba,
o follaxe do sol os raios criba
que cán estremecidos de tremor;
pasa o fervore revoando amodo
e síntese no bosque, enchéndoo todo,
a maxestade augusta del Señor.
Fotografías de © Emilio Blanco "Milucho"
Comentarios